ร้านอาหาร

ตามล่าหา”ไข่จั๊กจั่น” ขุมทรัพย์กลางป่า ต้องมาลองชิม!

ตามล่าหา”ไข่จั๊กจั่น” ขุมทรัพย์กลางป่า ต้องมาลองชิม@ตลาดบายพาส สกลนคร

มื้อนี้แอดสิพาพ่อแม่พี่น้องไปทำความรู้จักกับสุดยอด ของเด็ดจากป่าราคาสูง อย่าง ไข่จั๊กจั่น นี่แหละครับ ผมเจอไทบ้านเพิ้นเอามาขายอยู่ตลาดบายพาส กะเลยอยากเเนะนำจักน้อย เผื่อบางคนยังบ่เคยเห็น ไปครับ ไปเบิ่งนำกันว่ามันเป็นเเนวใด

นี่แหละครับพี่น้องเอ่ย ของเเซบไทอิสาน ที่ไทบ้านไปเก็บอยู่กลางโคกกลางป่า ซึ่งไข่ของจั๊กจั่นเนี่ย จะอยู่ตามลำต้น ของต้นไม้ หรืออาจจะลี้อยู่ในเปลือกไม้ สิเห็นเป็นโต๋สิขาว น้อยๆ ตามต้นไม่้ เก็บใส่ขวดใส่ย่ามมาขายครับ สมัยเเต่กี้ ราคากิโลกรัมละ 500 บาท ผมกะยังว่าแพงเเมะ เเต่ด้วยความที่ ไข่จั๊กจั่นบ่ได้มีดีเเค่ ความเเซบ ความนัวอย่างเดียว เเต่มีประโยชน์ที่น่าสนใจหลายด้านเลยทีเดียวเชียวล่ะครับ มีนักวิจัยเพิ้นค้นคว้าเกี่ยวกับไข่จั๊กจันเเล้วพบว่า การกินไข่จั๊กจั่นสามารถ ชวยในเรื่องของสมรรถภาพทางเพศได้เป็นอย่างดี  ราคามันเลยพุ่งขึ้นไป 2-3 เท่า เลยล่ะครับ เเเต่กะยังขายดิบขายดี ขายเบิดสุมื้อครับ เเต่บ่ต้องห่วงว่าต้องซื้อเป็นกิโลบ่ เขาเเบ่งขายกะมีครับ เป็นกระทงใบตอง กะทงละ 100 บาท

เมนูที่เลื่องลือที่สุดของไข่จั๊กจั่น กะคือ หมกไข่จั๊กจั่น บ่ายสใส่ข้าวเหนี่ยวนี่แหละครับ สุดยอดเลย วิธีเฮ็ดกะง่ายๆครับ ห่อข่จักจั่นใส่ใบตองกล้วยหรือใบตองกรุงกะได้ครับ ใส่เกลือจักน้อยเเล้วเอาไปขางไฟจนมันสุกเลยครับ พอสุขเเล้วสีมันสิออกเหลืองๆนี่หละครับ หลังจากนั้นเอาไปบ่าย หรือ หม่องใส่ข้าวเหนียวฮ้อนๆนิ สุดยอดเลยครับ

 

แชร์ไปที่

Share on facebook
Facebook
Share on twitter
Twitter
Share on email
Email

Similar Posts